Erreferenduma Eskozian

Eskoziar bandera eskegiko dute bihar Arrasateko udaletxeko fatxadan

Biharko erreferenduma dela-eta, eskoziarren "askapen prozesuarekin" bat eginez, adierazpena onartu dute Bildu koalizioak eta EAJ eta Aralar alderdiek. Eskoziar herria zoriondu eta biharkoa "herrien askatasunaren aldeko atzeraezineko prozesua" dela adierazi dute. Begirunearen erakusle, San Andresen gurutze ezaguna eskegiko dute bihar fatxadan.

Bildu, EAJ eta Aralarrentzat biharko erreferenduma "beste urrats garrantzitsu bat" da "herrien askapen prozesuen ibilbidean". Eskoziarrak dagoeneko euren etorkizunaren jabe direla diote alderdiek adierazpen bateratu adostuan eta "laster batean Katalunia, Euskal Herria eta munduko beste hainbat nazioak ere" gauzatuko dutela eskubidea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.