Mendian hildakoak oroitzeko eguna izango da domekakoa Besaiden

Iazko Oroimen Eguna, Besaiden.

Mendian hil diren mendizaleak gogoratzeko eguna izango da domekakoa. 1955. urtetik hutsik egin gabe antolatu dute egun berezia, eta mendian hil diren euskal mendizale guztiak agurtuko dituzte Besaiden bertan. Besaide elkarteak antolatu du eta txalapartariak, bertsolariak eta dantzariak izango dira, besteak beste. 

Txalapartariek mendizaleak Besaidera gerturatu ostean, 11:00ak aldera, kantu herrikoiak eta bertsoak izango dira. Gero, mendi federazioko kide batek azken urtean mendian hildako pertsonak gogora ekarriko ditu eta ondoren dantzariak egongo dira. Txosna bat ere jarriko dute antolatzaileek, "mokadutxo on" bat egiteko: "Prezio herrikoiean salduko dira pintxoak eta edatekoak", adierazi dute. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.