Palestinarrentzako anestesia makina bat erosteko laguntza eman du Udalak

Arrasateko Udalak, Gipuzkoako Foru Aldundiarekin eta Donostiako Udalarekin bat eginez, 2.000 euro utziko ditu Palestinako Aginte Nazionalaren eskuetan, anestesia makina bat eros dezaten. Herritarrei ere laguntzarako deia zabalduz, kontu korronte bat ipini dute eskura, herritarrek ere ekarpena egin dezaten.

Guztira 30.000 euro balio duen anestesia makina erosteko 2.000 euroko diru-laguntza bideratu dute Udaletik, Gipuzkoako Foru Aldundiaren eta Donostiako Udalaren elkartasun ekimenarekin bat eginda. Erakundeok dirua Palestinako Aginte Nazionalaren esku lagako dute. Lehenik Zisjordaniara bidaliko dute laguntza eta han Palestinako Osasun Ministerioaren eta Gurutze Gorriaren esku utziko dute.

Diru-batzean ekarpena egin gura dutenek Kutxabankeko 2095 0611 01 9114122391 kontuan utz dezakete dirua, Udaletik jakinarazi dutenez.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.