49ko kintoendako topaketak, urriaren 16an eta 18an

1949ko kintoen ospakizunerako kartela.

Arrasaten eta Donostian egin dituzte 1949ko kintoen topaketetarako hitzorduak. Arrasateri dagokionez, 19:00etan Kulturaten elkartu eta bideo batzuk ikusiko dituzte, ospakizunerako "apropos sortutakoak", eta ondoren luntxa izango dute. Donostian, berriz, egun pasa egiteko asmoa dute. Izenematea urriaren 10era arte izango da zabalik.

"Bizitzan behin bakarrik betetzen dira 65 urte, eta efemeridea modu berezian burutu behar genuela otu zitzaigun ospakizuna antolatzen gabiltzanoi"; berba horiekin gonbidatu dituzte 1949ko Arrasateko kintoak urriko topaketetarako.

100 bat euro

Eta jakinarazi dute izenematea zabalik izango dela urriaren 10era arte, eta bi tokitan egin daitekeela hori: Lore lurrindegian (Olarte kalea) eta Garibai kaleko kioskoan. "Estimatzen dugu aurrekontua ez dela 100 eurotik pasako, pertsonako. Izena emateko orduan, aurrerapen gisa 50 euro ordaindu behar dira", esan dute.

"Oso ondo legoke zuk animatzea, aurreko urteetan ospakizunera etortzea nahi (edo ahal) izan ez duen kintoa", eskatu dute bukatzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.