Arrasateko Uribarri auzoan dagoen Barrenatxo errotaren gainean erabaki garrantzitsua hartu du asteon Udalak. Izan ere, errotaren aztarna arkeologikoak mantendu eta nabarmentzeko lanak Construcciones Etxaide enpresari esleitu dizkio. Lanen aurrekontua izango da 4.719 eurokoa.
Barrenatxo errotaren inguruko lehen aztarna idatziak XV. mendekoak dira, eta besteak beste, bidezainen biltegia, ganaduarendako pentsuaren lantegia eta okre-koloreko pintura lantegia izan da.
Egun egoera kaxkarrean dagoen arren, Arrasaterendako balio handikoa dela diote Arrasate Zientzia Elkartekoek: "Arrasaten ez dago hain eraikin zaharrik. Halakoak finkatu egin behar dira behin betiko; erreferentzia moduan hartu behar dugu".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.