Antolatzaileek egun osorako egitaraua prestatu dute aurten ere: umeendako jolasak eta graffitia herriko artistekin (11:00), kontzertuak 21 tabernatan –13:00etan, 17:00etan eta 18:00etan hasita–, bazkaria (14:30), euskal preso, errefuxiatu eta iheslarien eskubideen aldeko manifestazioa Herriko plazatik irtenda (20:00) eta kontzertuak gaztetxean (22:00).
Bazkarirako txartelak, agortzear
Bazkarirako txartelak Irati, Monte eta Amaiur tabernetan daude salgai, 12 eurotan, eta antolatzaileen arabera, ez dira txartel larregi geratzen. Gaueko kontzertuan Los Galerna, The Potes, RPL eta egunerako propio sortutako Elkartasun Taupadak taldeek joko dute. Sarrera bost euro izango da.
