Murugarrenen kantu eta bakarrizketek eman zioten hasiera Kulturate akustikoei

Murugarren eta Aveces Kulturaten.

Telecasterra eskuetan eta Rafa Acevesen organoaren babespean eskaini zuen atzo kontzertua Txuma Murugarrenek Arrasaten. Kulturate akustikoen seigarren edizioari hasiera eman zion Oreretarrak, publikoarekin solasaldia egiten zuen bitartean. Izan ere, Murugarrenek erosotasuna transmititu zien ikusleei, momentu askotan crooner baten paperean sartuta eta beste batzuetan Acevesen laguntzarekin, Faemino y Cansado umoristen rola hartzen.

Hala ere, musikaren hotsak eraman zituen ikusleak Kulturatera atzo. Ordu eta erdi inguruz Murugarrenen eztarritik irteten zen ahots urratuak eta telecaster gitarraren latorrizko tinbre gordinak, entzuleak harrapatu zituen Acevesen organoaren laguntza ezinbestekoarekin, horrek ematen baitzion Murugarrenen gordintasunari kontrapuntu organoaren goxotasunarekin. Tarteka inprobisatuz ere, hasiera berezia eman zien bikoteak kontzertu akustikoen zikloari. Gaur Thaïs Morell brasildarraren txanda izango da, 20:00etan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.