Dotore

Kulturate akustikoak.

Disko berria kaleratu bezperatan joko du Arrasaten jatorriz donostiarra baina Bartzelonan zaildu den Pablo Martinez, Dotorek. Hirugarren lana da Variaciones eta jakin-mina jada handia da. Batetik, Los veranos y los días bikainaren ostean lan argitsu, lasai eta eder horren mailari eutsiko dion ala ez ikusteko eta, bestetik, eskainitako aurrerapenek doinu aldaketa biziki interesgarria dakarrela erakusten dutelako. Domekan izango da hori bertatik bertara frogatzeko aukera.