Auzo batek eman zien abisua atzo 09:00etan ertzainei, gizonezko bat auto baten euskarritik bizikleta ateratzen saiatzen zebilela ikusita. Agenteak lekura iritsi bezain laster, susmagarria atzeman eta hura identifikatzen saiatu ziren. Horretan zebiltzala, Segurtasun Sailetik azaldu dutenez, beste auzo batek susmagarria bera, lehenago, inguruko bi motorren inguruan zebilela adierazi zien agenteei eta, hain zuzen, inguruko bi motorrek gordetegiak apurtuta zeuzkatela frogatu ahal izan zuten. Motxila bat ere atzeman zioten poliziek susmagarriari, lapurtu bezala salatua zegoena. Ertzaintzatik azaltzen dutenez, susmagarriari atxiloketaren berri eman bezain laster "jarrera erabat oldarkorra" hartu zuek hark eta agenteak mehatxatu egin zituen. Epailearen esku laga dute atxilotua.