Palestinako herriak bizi duen egoera salatu eta Israeli boikota aldarrikatzeko kontzentrazio jendetsua egin zuten atzo Arrasateko Herriko plazan. Erakundeei, enpresei eta herritarrei Israeli boikota egitea eskatu zuten eta protesta ekitaldiaren amaieran, Israelgo, Europar Batasuneko eta AEBko banderak erre dituzte, Palestinako herriaren aurkako zapalkuntzan duten ardura salatzeko.