Eibar futbol taldea Arrasaten ere entrenatuko da

Gaur egun, Bergarako Agorrosinen entrenatzen du Eibar taldeak.

Eibar futbol taldea Arrasaten ere entrenatuko da: Atxabalpeko lehengo kirol instalazioetan. Hain zuzen, gaur (astelehena) Udal Gobernuak aztertuko du Arrasateko Udalaren eta Eibar futbol taldearen artean sinatu beharreko hitzarmena. Hor zehaztuko dute, besteak beste, Eibar taldeak Arrasateko Udalari ordaindu beharreko alokairuaren zenbatekoa.

Atxabalpeko zelaiaren konponketa, berriz, Eibar futbol taldearen esku geratuko da, eta uztaila eta abuztua bitartean hasiko dituzte obrak.

Aspaldiko harremanak

Arrasateko Udaletik esandakoaren arabera, aspalditik dabiltza futbol talde armagina eta Arrasateko Udala Atxabalperen erabilera dela-eta harremanetan. Eta ukatu egin dute hainbat komunikabidetan argitaratutakoa: Eibar taldeak bakarrik Bergarako Agorrosinen entrenatuko duela Atxabalpe konpontzea gastu handia delako. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.