Aurreikuspenak betez, Naroa Agirre izan zen nesketan onena, 4.41 metroko emaitzarekin. Hala ere, lehia interesgarria izan zen, pertika jauzilari arrasatearren entrenatzaile Jonathan Perezek esan bezala, Carla Franch eta Rebeka Yagüek maila apur bat hobea izan arren, Maialen Axpe ere castelloarraren eta nafarraren parean ibili baitzen.
Inork bere marka pertsonala gainditu ez bazuen ere, emaitza on batzuk izan ziren atzo. Besteak beste, Agirrek bere Mojategiko marka hautsi zuen, 2008ko 4.40ko emaitza zentimetro batean hobetuz. Donostiarra pozik agertu zen egindako lanarekin, izan ere, atzoko saioan ez zuen dena eman eta indarrak gordetzen aritu arren, marka ona egin zuen. Asteburu honetan bertan beste txapelketa bat dauka eta hemendik bi astera Espainiakoa. Beste emaitza aipagarria Jonathan Perezena izan zen, entrenatzaile lanetan aritu arren, bere 4.92 metroko marka lau zentimetrotan hobetu baitzuen. Kontuan hartu beharrekoa da bost metrotik gora salto egiten dutenak pertika jauzian bakarrik aritzen direla eta atzoko marka zortzi ordu lan egin ostean finkatu zuela Perezek. Axpe eta Ruiz de Azua arrasatearrentzat atzokoa ez zen egun ona izan, ez zuten beren marketara gerturatzerik lortu.
Emaitzak
Jonathan Perez 4.95
Naroa Agirre 4.41
Carla Franch 4.11
Maialen Axpe 3.91
Rebeka Yagüe 3.81
Malen Ruiz de Azua 3.71
Javi Herrera 3.31
Luis Aranzabal 3.31
Malen Orduña 2.41
