Arratsaldeko seietan, pisu jaurtiketa txapelketa mixtoa hasiko da Mojategin eta, ondoren, 18:45ean, pertiga saltokoan lehiatuko dira Euskal Herriko pertigalari onenak. Besteak beste, Maialen Axpe eta Malen Ruiz de Azua arrasatearrak izango dira bertan, baita Naroa Agirre ere.
Bi arrasatearrak estatu punta puntan dabiltza estatu mailako txapelketetan; Malen Ruiz de Azua junior mailan txapelduna da, 4.02 metroko saltoarekin, eta Maialen Axpek, promesetan, 4.10 metroko marka du. Gainera, Ruiz de Azua munduko txapelketan lehiatuko da, Estatu Batuetako Oregonen, martitzenean, uztailaren 22an.
Horrez gain, Naroa Agirre pertigalari ezaguna arituko da Mojategin. Agirrek Europako txapelketarako prestaketa lanetan dihardu, Zurichen jokatuko den lehiaketan hartuko du parte; izan ere, Espainiako txaplektan garaile izan zen. Rebeca Yagüe nafarra ere arituko da, Espainiako txapeldun ordea dena. Gizonezkoen kategorian, Jonathan Perez arrasatearrak ere hartuko du parte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
