Rap artistaren ikuspegi ezohikoa dauka Lechowskik, Zaragozan sustraitutako poloniarrak. Hizkera zuzen eta kolpagarriarekin bai baina egolatria eta generoko cliché-ei izkin eginda, poesia, transzendentzia eta lirika ederra dira haren etorriaren ezaugarri. Soinuz ere berezia da Lechowskiren lana, jazz oinarrian kokatzen baititu errimak. Espainiako rap eszenan zigilua utzia du jada eta zirrara eragin du estiloaren mugetatik haraindi ere. Horren froga, hilaren 19an, zapatua, Monterronen 22:30ean.
Poesia gaua izango da 19koa, inondik ere. Oñatiko Aimar eta Eñaut Uribesalgo anaiek Pobresiak errezitaldia egingo dute. Hauxe ere errezitaldi musikatua izango da.
