Ordutik urtero antolatu dute, uztailean. Aurten ere egun osorako egitaraua prestatu dute: izen-ematea –egunean bertan 40 euro ordaindu beharko da– eta erakusketa Herriko plazan (11:00), irteera eskuterrean (12:00), bazkaria Hamalau jatetxean (14:30) eta amaitzeko, hiru adituk musika jarriko dute DAT tabernan (20:30).
Brindisa Gorlan
Ibilbidea berria izango da aurten: Arrasatetik irtenda, Oñati zeharkatuko dute eta Udanan gora egin ostean, Legazpira helduko dira. Legazpitik Urretxura, eta Urretxutik Azkoiti aldera; Azkoitira heldu aurretik Gorla igoko dute, bertan brindisa egiteko. Handik Arrasatera etorriko dira. 20 bat eskuter espero dituzte eta aurten ere Euskal Herritik etorritako lagunez gain, Zaragozatik eta Madrildik ere etorrik dira batzuk. Oraingoz jai "xumea" bada ere, urteak joan ahala ekintza berriak antolatu eta festa handitzeko asmoa dute.
