Olandixoko tunela itxita egongo da gaur 08:00etatik 17:00etara, mantentze-lanak direla-eta

Gipuzkoako Aldundiko Mugikortasun eta Bide Azpiegiturak Sailak jakinarazi duenez, GI-2620 errepideko Olandixoko tunela itxita egongo da gaur, astelehena, 08:00etatik 17:00etara bitartean. Tunela ixtearen arrazoia da mantentze-lanak egin behar dituztela; tunelaren hastialak garbitu eta errepide ertzetako sastrakak kendu eta garbitu behar dituzte, besteak beste. 19,500 eta 21,415 kilometro puntuen artean egingo dira lanak, eta bitartean zirkulazioa Arrasaten barrena bideratuko da.