Eguenean irekiko dira Musakolako kanpoko igerilekuak

Astelehenean ziren zabaltzekoak, baina ez dute eguraldia lagun izan. Ondorioz, eguenera arte atzeratu dute irekiera, eta ekainaren 19an irekiko dituzte, beraz. Musakolako kanpoko igerilekuak irailaren 14ra arte egongo dira zabalik, 10:00etatik 20:30era.

Hainbat berrikuntza izango ditu aurtengo bainu denboraldiak: eguraldi txarra balego, abonatuek barruko igerilekura joateko aukera izango dute, eta ekainaren hogeia baino lehen abonatzen direnen artean, doako bono bat zozketatuko da. Txirristak ere izango dira, eta hamakak alokatzeko aukera. Baina berrikuntza nagusia arratsaldetako animazioa da, ur jolasak, txapelketak eta lehorreko jokoan ere egingo dituzte.

Gainera, aurten kantinan ogitartekoak, izozkiak eta edariak eskainiko dituzte.


 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.