Euskaraz ere abestu du Suediatik etorritako abesbatzak

Txorbela otxotea eta Estokolmoko abesbatza elkarrekin abesten.
Arrasateko Txorbela otxoteak gonbidatuta Estokolmoko Katedraleko abesbatza izan da, San Frantzisko elizan. Otxoteak egin du lehenengo emanalditxoa eta ondoren Suediatik etorritakoek. Baita euskaraz kantatu ere.

Arratsaldean harrera egin die Kepa Urteaga zinegotziak udaletxean, otxoteko kideek lagun eginda.

Eta iluntzean kontzertua eskaini dute bi abesbatzek. Txorbelak hasi du emanaldia, Mikel Arregik zuzenduta, baina ekitaldi motza eskaini du horrek. Ondoren suediarren txanda etorri da. Profesionalek osatutako abesbatzak musika erromantikoa eta egungoa bateratzen dituen kantuak eskaini ditu Michael Waldenbyren gidaritzapean. Eta euskaraz kantatzera ere ausartu dira; zuzendariak berak egindako Kirmen Uriberen poema baten bertsioa estreinatu dute. Eta bi abesbatzek elkarrekin bukatu dute emanaldia Maitia nun zira abestuta.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.