Arrasate Dragoi Gimnasia Taldearen kurtso amaierako erakustaldia, Uarkapen

Arrasate Dragoi Gimnasia Taldeko bejaminak.
Arrasate Dragoi Gimnasia Taldeak kurtso amaierako erakustaldia egingo du, ekainaren 15ean,11:30etik aurrera, Uarkapeko frontoian.

Bertan, 130 gimnastek (5-21 urte bitartekoak) urte osoan egindako lanak erakusteko aukera izango dute. Taldeka eta bakarka egindako dantzetan , pelota, soka, uztaia, mazoak edo zinta erabiliko dituzte.

Horretaz gain, Espainiako txapelketan parte hartu ondoren, klubeko Aerobikeko partaide batzuk ere bertan izango dira aurtengo koreografiak eskainiz.

Bestalde, Ekainaren 15ean ere, klubeko Aerobikeko beste partaide batzuek, “I Trofeo Gimnàstica Aeróbica l´Hospitalet” - en parte hartuko dute.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.