Herritarrak ez labaintzeko lanak Arrasateko egurrezko hiru zubitan

Murua S.L. enpresako langile bat Munarreko zubian, gaur eguerdian.
Arrasateko Eroskiko, Zerrajerako eta Munar auzoko egurrezko zubietan lanean dihardu Hernani Murua S.L. enpresak. Zubi horiek herritarrak ez labaintzeko likido batekin ari dira estaltzen eta dena ondo badoa, astelehenean, hilak 16, irekiko dituzte berriro ere.

Munarreko zubian ari ziren langileen arabera, azken orduko arazorik ezean, hilaren 16an irekiko dituzte hiru zubiak. Hau da, Eroskikoa, Zerrajerakoa eta Munarrekoa. Azken hilabeteotan zubiak bustita egon direnean, hainbat eroriko izan dira bereziki hiru zubi horietan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.