Bi zati izango ditu aurten Udaixek, 12 eta 17 urte bitarteko gazteentzat Gaztelekuetatik bideratutako ekintza sorta bereziak. Uztailaren 1etatik 11ra bitartean gazteek euren aukerako ekintzak egingo dituzte eta planifikazioa egiteko, izena eman duten gazteekin afari-bilera egingo dute hilaren 20an bertan. Horrela aurten, gazteek euren neurrira egindako egitaraua prestatzeko aukera izango dute. 20 euroko kostua du lehen zati horrek.
Arrasate utzi eta Udaixeko bigarren zatia Lizargaraten gauzatuko dute eta proposatzen dena da abentura-jolas bat taldeka, 3 gau eta 4 egunez. Irteera berezi honek ere 20 euroko kostua du.
Modalitate baten zein bestean ala bietan izena emateko esku-orria bete eta Gaztetxokoetan, Gazte Bulegoan ala Txatxilipurdi elkartearen egoitzan utzi behar da.