Arrasatek orain arte ezagutu dituen argazkirik zaharrenak biltzen dituen erakusketa bihar, ekainak 6, inauguratuko da. 'Mondragoe beirazko plaketan' du izena erakusketak eta Arrasate Zientzia Elkartekoek 108 erretratu erakutsiko dituzte, Arrasateko lehen argazkiak. Bihar aurkezteko dute erakusketaren izen bera duen liburua, Kulturaten bertan, 17:00etan.
Arrasate Zientzia Elkarteko Xabier Bengoak Arrasate Irratian esan zuenez, erakusketak harrera ona izango duela espero dute: "Badakigu jende edadetua agertuko dela. Baina kasu honetan, hain da handia erakutsiko dugun altxor historikoa, jende gaztea ere etorriko dela espero dugula".
Uztailaren 6ra arte egongo da zabalik; astelehenetik zapatura bisitatuko ahalko da, 17:30etik 20:30era.
