Ekainaren 15ean mendi irteera egingo dute. Arabara abiatuko dira, eta lautada integralaren laugarren etapa egingo dute. Bertan, Azazeta, Gereñu eta Opakua gainak igaroko dituzte. Ibilaldian parte hartu nahi duenak, izena eman behar du: ekainaren 9, 10 eta 11, 19:30etatik 20:30etara, taldearen egoitzan.
Horrez gain, Gipuzkoako Mendizale Federazioak antolatu dituen ikastaroen berri eman du Besaidek. Izan ere, Aralarren espeleologia ikastaroa egingo da ekainaren 14an eta 15ean. Bestalde, eskalada lantzeko bi ikastaro ere antolatu dituzte. Batetik, abenturako eskaladaren inguruko ikastaroa egingo dute ekainaren 28an eta 29an Atxarten (Abadiño). Bestetik, ertzetako eskalada ikastaroa antolatu dute uztailaren 12rako eta 13rako Eginon.
Ikastaroetan izena emateko epea irekita dago, eta Internet bidez egin behar da hurrengo helbidean: http://www.gmf-fgm.org/Izen-emateak-Online/