Mondrak 100 urteetako argazkiak eta bitxikeriak jasotzen dituen liburua aurkeztuko du bihar

Hainbat urtez Mondraren alde lan egin duten Fernando Uranga eta Jose Luis Ezkurra, iaz Kulturaten irekitako erakusketan.
Mondrak iaz bete zituen 100 urte, eta hainbat eta hainbat ekintza antolatu zituzten urteurren berezia ospatzeko. Bada, oraindik ez dira amaitu mendeurrenarekin lotura zuzena duten ekintzak. Izan ere, bihar, hilak 12, liburua eta CDa aurkeztuko dute udaletxeko osoko bilkuren aretoan (18:00). Bihar erosi ahalko da liburua eta baita zapatuko Ardo Egunean ere, 20 eurotan.

Klubeko arduradunek ez dute liburuaren gaineko argibide larregi eman, baina aurreratu dute 100 urteko historian zehar ateratako argazki zaharrak eta bitxikeriak jasoko dituela. Liburuarekin batera CD bat ere salduko dute, argazki zaharrekin. John Andueza arrasatearrak idatzi du liburua, haren emazte Mirian Porcelen "ezinbesteko" laguntzarekin.

Gonbidapena jokalari ohiei

"Hainbat istorio dibertigarri jasotzen ditu liburuak, merezi du", diote. Liburuaren aurkezpena udaletxeko osoko bilkuran egingo dute eta Mondrako jokalari ohiekin bete gura dute aretoa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.