Nordic Walking lantzeko ikastaroa

Aukea kirol erakundeak Nordic Walking ikastaroa antolatu du. Gorputz osoari eragiten dion mugitzeko era berriaren inguruko ikastaroa egin zuten maiatzean, arrakasta ikusita, bigarrena egitea erabaki dute. Ekainaren 6an, ostiralean, egingo da Musakolako kiroldegia, 17:00etatik 20:00etara.

Nordic Walking edo Ipar martxa mugitzeko era berria  da. Hankei eragiten die, baita besoei eta orokorrean gorputzaren goiko aldeari ere; praktikatzeko bi makila erabiltzen dira. Arrasaten egingo den saioan Xabier Madina izango da irakaslea, Nordic Walking federazioko kidea. Ikastaroak Ipar martxaren oinarrizko ezagutzak landuko ditu, eta izen ematea 30 euroko izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.