"Amama Kandida Iriarteren etxean atera zidan argazki hau bere seme eta nire osaba zen Pedro Sologaistoa "Laso"-k, 1952an. Magdalena kaleko “Txelin” ile moztailearen etxeko bigarren solairuan bizi zen eta sarritan joaten nintzaion bisitan". Kontakizun horrekin, Arrasaten ezagun askoa den emakume baten argazkia dakar oraingo honetan Josemari Velez de Mendizabal historiagileak.
"Poxpolin janzkera horrek markatu egin nau haurtzarotik eta oraindik ere gustura ari naiz dantzatzen eta dantzak irakasten. Nire ofizioa ez baina afizio izugarria izan dut eta ez daukat salgai. Bete egin nau, zeharo", jarraitzen du kontakizuna emakume horrek.
Eta Doke antzerki taldeak egindako azken lanaren (Galderak) estreinaldirako gonbitea ere badakar. Asmatu duzue zein den emakumea? Hemen klikatuta, galderaren erantzuna.
