Eduki hau partekatzeko esteka arbelera kopiatu da.
Egubakoitzean aukera paregabea izango du Mondrate taldeak kategoriaz igotzeko. Eta balentria ederra izango litzateke, taldea sortu eta lehenengo urtean lortuko zuketelako Gipuzkoako bigarren mailara igotzea. Iturripen jokatuko dute partidua, 20:00etan.
Arrasateko mutilak oso erregularrak izan dira denboraldi osoan zehar –jokatutako 26 partidutatik 20 irabazi dituzte. Hala, igoera fasea partidu bakarrera jokatuko dute, gaur (Iturripe, 20:00) ligan laugarren sailkatu diren Tolosako Iurre taberna taldekoen kontra. Irabaziz gero ospakizunak izango dira, seguru, nahiz eta zapatuan txapelduna nor den erabaki beharko duten.