Iparraldeko talde ezagun honek bira berezia prestatu du oraingo honetan. Hamar egunez jarraian, maiatzaren 15etik 24ra, taldearen historian garrantzitsuak izan diren lekuetan edo orain arte bisitatu ezin izan dituzten aretoetan arituko dira. Taldearen ideia, berriz, argia da: "Sustraietara itzultzea, rock'n'roll-era, ahal bezain bolumen, ke eta izerdi isuriz". Horretarako, kanta zahar dezente berreskuratu dituzte.
Gainera, taldea laukote izatetik boskote izatera pasa da. Joseba Baleztena (Joseba B. Lenoir, Sumisión City Blues, Sexty Sexers, Izaki Gardenak...) taldeko kide berria izatera igaro da.