Gure Esku Dago

Arrasateko Gure Esku Dagok eskaparatea inauguratuko du bihar, Zeziaga denda zenaren lekuan

Gure Esku Dago taldeko kideak Zeziaga denda zenaren erakusleihoa atontzeko lanetan.
Arrasateko Gure Esku Dago taldeak erakusleihoa irekiko du bihar, maiatzak 15. Zeziaga denda zeneko erakusleihoa egokituko dute, eta bertan, besteak beste, ikus-entzunezkoak, argazkiak eta ekainaren 8ko giza katerako informazio baliagarria jarriko dute. Inaugurazio ekitaldi "xume" bat egingo dute bihar, 19:30ean hasita.

Inaugurazio ekitaldiaz gain, giza katerako metroak jarriko dituzte salgai eta baita kamisetak ere. Izan ere, Arrasateko lantaldeak 1.500 metro saltzea jarri zuen erronka moduan eta helburu hori bete dute dagoeneko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.