Hausnarketatik ateratako ondorioak herritarren esku jarriko dituzte, eta balorazio berriak jasotzeko prest daude. Horretarako, 'Alkarrekin bide barrixei ekin!' hausnarketaren aurkezpena egingo da, maiatzaren 21ean Kulturateko Biteri gelan, arratsaldeko 18:30etatik 20:00etara bitartean. Horrez gain, maiatzaren 28an, Kulturateko Jokin Zaitegi gelan hitzordua egin dute, iritziak jaso eta elkarrekin hausnarketa egiteko, arratsaldeko 18.30etatik aurrera.
Ekin Emakumeak elkarteak datozen lau urteetako plana egin nahi du hausnarketa hitzordu horietan. Horregatik, elkarteak parte hartzeko deia luzatu du: "elkartea ezagutzen ez duenak ezagutu dezan, eta ezagutzen duenak iritziak eta ekarpenak egin ditzan".
