Bertsolaritza eta ardo-kata uztartzen dituen ekitaldi bat antolatu dute Arrasaten, aurten ekainaren 15ean Lapuebla de Labarkan izango den Araba Euskaraz ekitaldiari jarraiki. 'Bertsokata' izena jarri diote ekintza berri honi eta Irati tabernaren ondoko plazan izango da, maiatzaren 24ean, 18:30ean.
Ardo-kata egiten den bitartean, bertsolariek, Paula Amilburuk, Anne Zuazabizkarrek eta Xabi Igoak, kataren inguruko kontuak jorratuko dituzte euren bertsoetan. Ondoren, 20:00etan, Arrasateko hainbat talderen kontzertu akustikoa egongo da, The Potes edo Dirty Brothers taldeek joko dute, besteak beste.
Ardo-katan parte hartzeko izena eman behar da Irati tabernan, eta 3 euro ordaindu behar dira, maiatzaren 22a baino lehen.
