Ia 80 parte-hartzailek Arrasateko erdigunean giro ezin hobea jarri dute. Lasterka, emakumeen berdintasunaren alde, 14 urtetik 73 urtera bitarteko emakumeak ikusi ditugu. "Izate ezberdina duten emakumeak elkartu gara: ama direnak, lagun artean etorritakoak… lasterketetan ez dagoen perfila da eta erronka handia da guretzako. Autoestimua igotzea eta kirola egitera animatzea da helburua. Bizi kalitatea hobetzeko kirola egitea alegia; ikusle asko gainera, indentifikatuta sentitzen da eta korrika egiten hasten da", azaldu digu Iratxe Aranburu kirol teknikariak. [ARGAZKIAK, ALBISTE BARRUAN]
Emakume kirolarien presentzia kalean ikustea dela helburua azaldu digu Maider Morras Udal zinegotziak. "Bigarren mailako gizakia gara eta dirua eta baliabide gehienak gizonezkoen kirolean inbertitzen da oraindik ere. Lasterketa honen helburua hain justu, kirolean berdintasuna aldarrikatzea da".