Gazte bat errekatik atera dute gaur goizaldean Arrasateko unibertsitate inguruan

Gaur, 05:40ak aldera, gazte bat errekatik atera behar izan dute. Ertzaintzaren arabera, Aramaio errekara erori da 18 urte inguruko gaztea, Loramendi kalean. Udaltzainen eta ertzainen artean atera dute gaztea errekatik: "Ibai ertzean aurkitu dute, ez uretan", adierazi du Ertzaintzak. Bizkarrean hartu du kolpea baina ez da ezer larririk gertatu: "Antza, erori den pertsonak berak eman du abisua".