Erosketak egiterakoan tuperra erabili dutenak saritzen hasi dira Arrasaten

Jose Ramon Otamendi harakina lanean, bi bezeroren aurrean.
Arrasateko komertzioetan paper eta plastikozko poltsen erabilera murriztea eta arrasatearren artean kontsumo arduratsuaren aldeko jokaera zabaltzea da 'Ontziratu zaitez, erosketak ganoraz! Erabilizu tuperra!' kanpainaren helburua. Martxoaren 31a ezkero dago martxan Arrasaten, eta Udalak dagoeneko eman du apirileko zozketan sarituak izan direnen berri. Kanpaina urrian amaituko da.

Udalak eta Kutxa Ekoguneak bultzatutako ekimena da eta diotenez, bi abantaila nagusi ditu tuperrak erabiltzeak: erosoagoa dela eta etxera heltzerakoan tuperra hozkailuan sartu daitekeela, modu garbi baten. Edozein tuper erabil daiteke. Hau da, kanpaina barruan dendetan saltzen dituzten ontziez gain, etxetik eramandakoa ere erabil daiteke.

Edozein tuper erabil daiteke

Kanpaina barruko tuper bakoitzak 50 zentimoko prezioa du: "Kutxa Ekoguneari 2,6 euro kostatzen zaio tuper bakoitza eta Udalari 1,65 euro kobratzen dio. Beraz, tuper bakoitzeko 1,15 euro jartzen du Udalak. Ontziei prezio bat jarri zaie doakoa izatea ez dadin izan tuperra hartzeko arrazoi bakarra", argitu dute. Hala, herritarrei dei egin diete kanpainarekin bat egin dezaten.

Arrandegiak:   

    •    Kresala (Seber Altuben): Maria Teresa Gallastegi
    •    Eguren (Zigarrolan): Begoña Juarez
    •    Eguren (Olarten): Begoña Ugarte
    •    Kresala (BM): Tere Oianguren
    •    Danarrain (San Andresen): Leire Mujika
    •    Itsaski (Uribe auzoan): Maria Jose Vazquez
 
Harategiak:   

    •    Saburdi (Otaloran): Javi Suinaga
    •    Salegi (Arbolapetan): Mari Muguruza
    •    Otamendi (Olarten): Alaitz Aranzabal
    •    Landaluze (Iturriotzen): Inmaculada San Pedro
    •    Gorka Harategia (azoka plazan): Amaia Hernandez
    •    Agirre-Etxe (Zarugalden): Iñaki Barrena
    •    Kortaberri (Antso Abarkan): Josu Ugarte
    •    Txomin (azoka plazan): Mila Uli

Saria: 30 euroko balioa duten produktuak denda bakoitzean

Hilero zozketa bana egingo da datozen bost hilabeteetan: ekainaren 3an, uztailaren 1ean, irailaren 2an –uztaileko eta abuztuko zozketak–, urriaren 7an eta azaroaren 4an. Zozketan parte hartzeko baldintza bakarra da erosketetan tuperrak erabiltzea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.