Gaur, maiatzak 8an, Cró! taldea izango da Arrasateko Gaztetxean 22:00etan Kooltur Ostegunak ekimenaren baitan.
Rock, jazz eta bideosorkuntzaren batuketa berritzailea da Cró! taldeak dakarrena. Musikari hauek iraganeko doinuak eta gaur egungoak batzen dituzte. Zuzenekoan lau musikarien interakzioa eta bideo artistaren komunikazio hartu-emana gauzatzen da, kontzertu bakoitzean esperientzia ezberdin bat sortuz.
Orain grabatutako hirugarren diska aurkezten ari da boskote galiziarra, 'Pera' izenekoa eta zuzeneko inprobisazioz osatutako aurreko grabaketatik aldentzen dena.
