Goizeko zazpietan egin dute irteerarako hitzordua, Garibai etorbidean. Nafarroako lurretan zehar egingo dute ibilbidea, eta gailur hauek igoko dituzte: Ganuza (600 m), Lokiz (1114 m) eta Galdeano (560 m). Gainera, Santiago baselizatik eta Ganuza mendatetik igaroko dira. Ondoren, Ventas de Larrinoan bazkaria egingo dute mendizaleek, eta itzulera arratsaldeko zazpietarako dago iragarrita.
Parte hartu nahi dutenek izena eman beharko dute, eta epea zabalik egongo da ekainaren bira arte. Horretarako, diru kopuru bat sartu beharko da hurrengo kontu korrontean: 3035 0202 76 2021021758. Besaideko bazkideak eta federatuak direnak 46 euro ordaindu beharko dituzte, bazkideak eta ez federatuak direnak 48 euro eta gainontzekoek, hau da, ez bazkide, ez federatu direnek, 50 euro.
Egitasmoaren inguruko informazio gehiago nahi izatekotan, Besaideko egoitzara joan daiteke, maiatzaren 19, 20, 21, 26, 27 eta 28an, 19:00etatik 20:00etara bitartean.
