Maiatzaren 2ko goizaldean gertatutako erasoen harira, Arrasateko PSE-EEko bozeramaile Aritz Arrietak uste du "ulertezinak eta erabat arbuiagarriak" direla eta horregatik Ertzaintzari eskatu dio eraso horien erantzuleak berehala identifika ditzala, epaituak izan daitezen.
Maiatzaren Lehenaren bueltan banketxeei egindako erasoak salatu dituzte Arrasateko sozialistek: "Halako ekintzak iraganeko parte zirela uste genuen". Arrasateko Udaleko Bozeramaileen Batzordeari urgentziazko bilera bat eskatu diote eta ekintzok salatzeko mozio bat aurkeztuko dutela aurreratu dute. Mozio hori udal talde guztiek onartuko dutela espero dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak