San Andres auzoko jaiak martxa oso onean jarraitzen dute. Hasiera ezin hobea eman zitzaiela atzo kontatu digu Jon Barriocanal auzo alkateak: "Ikusi egin behar zen plaza nola zegoen atzo, gainezka! Oso pozik gaude, kontzertuetan jende ugari ikusi genuen atzo eta gaur ere poteoan jendea gustura dabil. Bazkarirako ere 120 lagun elkartuko gara". Eguerdian, erraldoiek eta gaita jotzaileek giroa animatu dute. Gudarien plazan jarritako puzgarrietan ere ikusi ditugu txikitxoak gozatzen. Jaiei bukaera eman aurretik baina, badago zerekin gozatu arratsaldean:
Egitaraua
Maiatzak 1, eguena
14:30 Herri bazkaria Gudarien plazan. 14:30 80 urtetik gorakoendako bazkaria Corazon de Encina elkartean. 17:00 Puzgarriak Gudarien plazan. 19:30 Buruhandiak. 19:30 Lili eta Lalo ipuin kontalari magikoen emanaldia Gudarien plazan.