Debagoieneko lagun talde bat Belfasten izan da, Josu Uribetxeberriaren askatasuna eskatzen

Jokin Bereziartua Lizarazu 2014ko apirilaren 29a
Deskargatu Info Ahotsak :
Español English Français Català Galego

Bisitan parte hartu zuen lagun taldea Belfasteko udaletxean, Josu Uribetxeberriaren askatasuna eskatzeko pankartarekin.
Debagoieneko eta Euskal Herriko beste zenbait txokotako 50 bat lagun Belfasten (Irlanda) izan ziren joan den hilaren 25etik 28ra. Urtero antolatzen den lagunarteko bisitan, askotariko ekintzak izan zituzten. Besteak beste, udaletxera bisita, herrian zehar bisita gidatua, bertso saioa eta Anje Duhalderen kontzertua.

Bertan egon zen Kepa Ormaetxeak azaldu duenez, oso esperientzia polita izan zen eta harrera ederra egin zieten egon ziren leku guztietan. Jarraian pare bat argazki, Arnaldo Otegiren omenezko hormairudiaren aurrean ateratakoa eta Julio Sotok eta Miren Amurizak eskainitako bertso saiokoa.

Arrasate

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak