Sorginkeixatan, inguratzen gaituzten sendabelarrak eta horien erabilerak ezagutzeko ikastaro teoriko-praktikoa izango da. Maiatzaren 5ean, 12an, 19an eta 26an eta ekainaren 2an eta 9an izango dira saioan, 18:00etan.
Ilargi erregina tailerrean, berriz, hilerokoaren zikloak eta horrek emakumeengan dituen eraginak ezagutzeko aukea egongo da. Saio bakarra izango da, maiatzaren 14an, 18:00etan.
Tao delako hitzaldia ekainaren 17an izango da, 18:30ean. Norbere burua sendatzeko gaitasuna esnatzeko hitzaldi praktikoa izango da; estresa bizitasun bilkatzeko, sormena eta barruko bakea garatzeko hitzaldia, hain zuzen.
Izena emateko Ekin emakumeak Pablo Uranga 4 zenbakian duten egoitzara joan daiteke edo 943 79 83 70 eta 651 70 79 36 zenbakietara deitu.