Arrasateko Gazte Alternatiboen Kofradia Organizatuaren (AGAKO) 23. urteurrenaren ospakizunen barruan, hilaren 22tik 24ra mendi martxa antolatu dute. Hilaren 22an Otxandioko gaztetxean egingo dute lo eta hilaren 23an, berriz, Alabitako txabolan. Izena eman behar da Iluntz edo Irati tabernetan.
Arrasateko gaztetxetik irtengo dira hilaren 22an, goizeko bederatzietan. Besaidetik, Anbotostera eta handik Otxandiora egingo dute. Otxandioko gaztetxean egingo dute lo eta beraz, AGAKOko kideek jakinarazi dute zakuak eta esterilla eramatea ezinbestekoa izango dela.
Hilaren 23an Otxandiotik, Legutio, Albertia, Gatzaga eta Alabitan amaituko dute, bertako txabolan lo egiteko. Hilaren 24an, amaitzeko, Alabita, Kurtzebarri, Urkulu eta Arrasatera egingo dute buelta. Izena eman gura duenak Irati eta Iluntz tabernetara jo dezala, "lehenbailehen".
