Termiten izurriterako produktu toxikoen arriskuaz ohartarazi dute Arrasateko osoko bilkuran

Jokin Bereziartua Lizarazu 2014ko api. 8a, 19:30
Arrasateko alde zaharreko hainbat etxetan
Arrasateko alde zaharrean termita izurritea kontrolatzeko lanak Anticimex 3D Sanidad Ambiental S.A. enpresari esleitzea adostu du Arrasateko udalbatzak osoko bilkuran, aho batez. Hori bai, zenbait herritarrek izurrite horren aurka egiteko enpresek erabiltzen dituzten produktu toxikoen arriskuaz ohartarazi dute. Hori izan da bilkurako gairik eztabaidatuena.

"Harritu egiten nau Arrasateko Udalari ez kezkatzea produktu kimiko oso arriskutsuak erabiltzen direla eta orain arte ere erabili direla alde zaharrean. Izan ere, azken bost urteotan produktu kimiko horiez josi dute alde zaharra eta hori, ingurumen-mediku moduan, astakeria iruditzen bat. Beste alternatiba ekologiko batzuk badaude, ez direnak osasunerako kaltegarriak". Horixe adierazi du Dorleta Martinez ingurumen-medikuak gaurko osoko bilkuran, besteak beste.

(Argazkia: Dorleta Martinez udalbatzari berbetan, gaurko osoko bilkuran)

Udal Gobernuko bozeramaile Maider Morrasek, herritarrei gai horren berri eman izana eskertzeaz gain, euren ekarpena aintzat hartuko dela esan du: "Txosten teknikoetan oinarrituta ireki dugu adjudikazio prozesua, baina eskertzen dugu zuen ekarpena. Ez dugu arazorik nahi, ondo aztertuko ditugu zuen eskaerak. Hori da orain esan dezakedana".

PSE-EEko zinegotzi Aritz Arrietak, berriz, Udaleko zerbitzuek egin dituzten ikerketetan "erabat" sinesten duela adierazi du eta beraz, txosten teknikoari kasu egin behar zaiola.

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak