Elizkizuneko abesti guztiak era gregorianoan abestu dituzte, eta behin meza bukatuta, 45 minutuko emanaldia eskaini dute San Juan Bataiatzailearen parrokian.
Horazio Argarate parrokoak esan digunez, "abesteko oso zailak diren piezak abestu dituzte, Erdi Aroko monastegietan kantatzen zirenak modukoak". Apaizak gaineratu duenez, "kantu gregoriano hauek otoitzerako beharrezkoa den lasaitasuna" eskaintzen dute.