Arizmendiko batxilergoko ikasleek goraino bete zuten Amaia antzokia

Ikasleek denetariko koreografiak dantzatu zituzten Amaia antzokiko agertokiaren gainean.
Arizmendi ikastolako batxilergoko lehen mailako ikasleek egun handia izan zuten egubakoitzean. Datorren ikasturtean egin gura duten ikasbidaiarako dirua lortzea helburu, Aldatu Kataia ikuskizuna eskaini zuten Arrasateko Amaia antzokian.

[ARGAZKIAK]

Desfile moduan ezagutzen da kalean, baina urtez urte handitzen eta hobetzen doa ikuskizuna. Hasieratik bi aurkezlek gidatu zuten saioa, umore ukitua jarriz. Gero, gelaka antolatutako dantza-ikuskizunetan, hainbat kanturen pasarte labur batzuk dantzatu zituzten jarraian, saio dinamikoak eskainiz.
Urtero moduan, irakasleen agerraldiak eragin zituen barre algara handienak. Arropatik lotuta irten ziren, ileorde eta guzti.

Antzokia goraino beteta

Dirua batzea zen helburua eta horretarako sarrerak bost eurotan jarri zituzten salgai. Jasotako diru kopuru zehatza zein den oraindik kalkulatu ez badute ere, ikasleak pozik geratu ziren Amaia goraino bete zen-eta. Ikuskizunaren ostean, ikasle asko Arrasateko kaleetan ikusi genituen; ziur gauak luze joko zuela...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.