Ertzaintzatik diotenez, ustezko trafikatzailearen erosleak Arrasateko puntu konkretu baterantz zuzentzen ziren, droga erosteko asmoz. Dirudienez, saltzailearekin elkartu bainaolehenago telefonoz kontaktatzen zuten harekin, gero salerosketaren ordua finkatzeko.
Atzo, asteartea, patruilatzen zebiltzan ertzain batzuek ustezko trafikatzailearen salmenta eragotzi eta atxilotu egin zuten. Auto bat eta motor bat topagunera gerturatzen ari zirela ikusi zuten ertzainek, baita saltzaile susmagarria ere. Autoko kopiloturen eserlekuan eseri eta dirua jaso zuela ikusi zuten. Hiru pertsonak identifikatu eta bi poltsa konfiskatu zituzten, baita heroina dosi bat ere. Ustezko saltzailea atxilotu egin zuten eta gainean zituen bi diru-zorroetako batean beste zortzi poltsatxo aurkitu zituzten.
Azkenik, beharrezko baimenaz baliatuz, Ertzaintza atxilotuaren etxera sartu zen eta bi poltsa marihuana, haxix zati bat, baskula bat eta bi labana aurkitu zituen.
Atxilotua komisaldegira eraman zuten eta gaur, asteazkena, Bergarako auzitegiaren esku pasatu da.