1892. urtera jo, eta Madinabeitiaren bitartez adulterio baten gaineko kontakizuna dakar oraingo honetan Josemari Velez de Mendizabal historiagileak bere blogean. Gertakari horren emaitza izan zen adulteriogile gizonezkoa hilda azaldu zela eta emakumeari besoa moztu egin ziotela.
Arrasateko erregistroaren arabera, Pedro Leturia 48 urteko bergararra izan zen hilda azaldu zen gizonezko hura. Kontakizuna dakarren El Noticiario Bilbaino izeneko kazeta mozkinaren argazkia ere badakar, gertakaria ilustratzeko. Xehetasun guztiak Hots Begi Danbolinak blogean irakur daitezke.