Kontzerturako sarrerak Arrasate Irratian zozketatuko dituzte eta bertan parte-hartzeko irratia@goiena.com helbidera idatzi behar da. Zozketa eguenean bertan egingo da, Arrasate Irratian, 13:00etan.
Izaki Gardenak taldearen hastapenak
Izaki Gardenak 2012an Jon Basagurenen bakarkako abestiei forma emateko sortutako egitasmoa da. Poliki-poliki taldea osatzen joan zen eta kantuek sonoritate eta gorputz handiagoa hartu zuten: "Melodia aparta, sentsibilitate berezia eta bukaera borobileko kantuak dira, rock, country eta folkaren artean, aurreiritzirik gabe, kokatzen direnak".
Gaur egungo taldekideak hauek dira: Joseba Baleztena (Sexty Sexers, Sumision City Blues, Joseba B. Lenoir), Libe García de Cortazar (Neubat, Sorkun, Libe), Eneko Leza (Khous, Virenque) eta Iker Fernández (Akatu, Virenque). Urte berean Itsasargiak disko laburra argitaratu zuten eta 2013an Amaieratik hasi lan luzea.
Apirileko egitaraua
Apirilera begira beste hainbat kontzertu ere egingo dira Arrasateko Gaztetxean, eguenetan:
- Apirilak 3, eguena: Izaki Gardenak.
- Apirilak 10, eguena: Inoren Ero Ni.
- Apirilak 24, eguena: Luther Russell.
