Egitaraua
- Izaskun Mujika kontalariak 4-6 urteko haurrei kontatuko dizkie ipuinak Santa Marina auzoko haur liburutegian, apirilaren 10ean, 18:00etan.
- Apirilaren 11rako, Arrasateko Arizmendi Ikastolako gazteek Oswaldo Pai gonbidatu dute, goizean zehar, Cuentos Colorados izeneko liburuaz aritzeko. 19:00etan, aldiz, ipun kontalarien txanda izango da. Brasil-eko Clara Haddad-ek Cuentos de Otrora para personas de ahora ikuskizuna eskainiko du helduentzat eta Cuentos de la Mariquita haur eta familientzat. Jarraian, Colombiako Alekos-en Cuentos y cantos de los últimos tiempos ikuskizuna egongo da. Saio guztiak Jokin Zaitegi gelan izango dira eta edonor joan daiteke.
- Literatura Solasaldietan komiki zikloa amaituta, Literatura eta Homosexualitatea gaiaren inguruko irakurketak egingo dituzte; koordinatzailea Juanjo Olasagarre idazlea izango da. Lehenengo saioa apirilaren 29ean izango da Las horas liburuarekin.
- Euskarazko solasaldietan, berriz, apirilaren 30ean Parisen bizi naiz Koldo Izagirreren poema liburua aztertuko dute Garazi Arrula koordinatzailearekin batera.