Ostegun honetan, martxoak 27, Sonido Vegetal taldea izango da Arrasateko Gaztetxean, 22:00etan, Kooltur Ostegunak ekimenaren baitan.
Sonido Vegetal zazpi partaidek osatzen duten Granadako talde bat da. Musika mestizoa eta ganberroa egiten dute, batzuek 'gipsy-punk' moduan definitzen dutena, musika latindar, patchanka, ska, reggae, folk edota Balkanetako musikaren ukituekin.
Taldearen azken diskak zeresan handia eman du Espainian. Las bases del razonamiento da diskaren izena eta Amparanoiak eta Gogo Bordello taldeko zenbait musikarik esku hartu dute bertan. Orain, aldiz, Europara eta Euskal Herrira salto egitea erabaki dute.
