Saski Baskoniako entrenatzailea da egun Sergio Scariolo eta Espainiako selekzioko entrenatzailea izan zen 2009 eta 2012 artean. Bere hitzaldia 20:15ean izango da, Mondragon Unibertsitatearen Arrasateko campusean, Goi Eskola Politeknikoko 7006 ikasgelan. Hitzaldia irekia eta doakoa izango da, baina plazak mugatuak dira eta beharrezkoa da 'kirolak@mondragon.edu' helbidean izena ematea.
Saskibaloia eta teknologia berriak izenburupean eskainiko du hitzaldia entrenatzaile italiarrak. Kirolaren, zehatzago saskibaloiaren, eta teknologia berrien arteko loturari buruz hitz egingo du, eta bere eguneroko lanean erabiltzen dituen tresnen berri emango du.
Saski Baskoniako entrenatzailea saskibaloiko Espainiako selekzioko entrenatzailea izan zen 2009tik 2012ra; selekzioarekin, Europako txapeldunorde izan zen 2009an eta 2011n, eta txapeldunorde 2012ko Londresko Joko Olinpikoetan.
Hitzaldia Unibertsitateko Kirol Zerbitzuak antolatu du.
